ы праектавалі кнігу па метадзе «reading flow», то бок праз апісанне сцэнароў выкарыстання. Здавалася б, якія метады? Гэта жа кніга — бяры ды чытай. Але гэта не зусім так. Вялікія кнігі з фатаздымкамі людзі не чытаюць, а гартаюць, разглядаюць відарысы, чытаюць урыўкамі, нешта шукаюць і г.д.

У нашай кнігі ёсць розныя «флоў»: можна разгарнуць кнігу з канца, знайсці па індаксе горад ці вёску — і разглядаць фатаздымак на пэўнай старонцы. Можна проста гартаць кнігу і разглядаць усе здымкі. Можна разглядаць як быццам у музэі — паглыбляючыся, чытаючы подпісы — дзе гэта, што гэта. Можна прачытаць толькі цытаты, а можна цалкам занурацца ў гісторыі.