верасні 2023 года мы атрымалі першыя пілотныя экзэмпляры з друкарні. Дакладней 10 экзэмпляраў. Адзін дайшоў пасылкай да мяне, а другі — да Славы. Я прагледзеў свой і з большага застаўся задаволеным. Пазваніў Славу, а ён кажа: «Мне не падабаецца». Прыехаў да яго дамоў на наступны дзень, дастаў нататнік, і мы пачалі праглядаць тое, што яму не спадабалася.

Тое, што не спадабалася Славу, не заўважыла б большасць людзей. Недакладнасці рэзу кніжнага блока, дробныя дэфекты на вокладцы і старонках у месцах склейкі. Разам мы зрабілі больш за сотню здымкаў, я падзяліў іх на падгрупы і даслаў заўвагі ў друкарню. Я меркаваў, хутчэй нават быў упэўнены, што нам адкажуць: «Ды пайшлі б вы нахер». Але нам паабяцалі усё перапрацаваць і выправіць у тыражнай версіі.

Былі пытанні і да нас: да афарбоўкі фотакартак, размяшчэння і пазіцыянавання некаторых здымкаў. Гэта мы таксама ўсё перарабілі перад адпраўкай тыражу да друка.