Цягам першых двух тыдняў мы вызначыліся з тым, што кніга будзе на беларускай і англійскай мовах, што ў кнізе мы жадаем бачыць прыгожыя мапы, а на мапах будуць пазначаны месцы, побач з якімі зроблены фотаздымкі.

Пакуль мы збіралі ўсё болей і болей фотакартак, выявілася, што асноўная частка здымкаў увогуле не звязана з населенымі пунктамі. Часта яны зроблены не ў вёсках і гарадах, а ў лясах ці ў нейкіх месцах на рэках. З’явілася ідэя выкарыстаць каардынацыйную сетку. Смешна, што ідэя нарадзілася дзесьці ў дарозе, і я намаляваў яе дзіцячай крэйдай на асфальце.